روہت شرما نے بابر اعظم سے اہم اعزاز چھین لیا

 ممبئی (اردو پوائنٹ تازہ ترین اخبار۔ 24 جون 2024ء ) بھارتی کرکٹ ٹیم کے کپتان روہت شرما نے ٹی ٹونٹی انٹرنیشنل میچز میں 200 چھکے مارنے کا منفرد اعزاز حاصل کرنے کے بعد بابراعظم سے اہم اعزاز چھین لیا۔ تفصیلات کے مطابق بھارتی کرکٹ ٹیم کے کپتان روہت شرما نے پاکستان کے بابر اعظم کو پیچھے چھوڑ دیا۔ روہت شرما ٹی ٹوئنٹی انٹرنیشنلز میں سب سے زیادہ رنز بنانے والے پلیئر بن گئے۔

انہوں نے یہ کارنامہ ٹی ٹوئنٹی ورلڈکپ کے سپر8 مرحلے میں آسٹریلیا کے خلاف حاصل کیا۔

(جاری ہے)

 

پاکستانی کپتان بابر اعظم نے ٹی ٹونٹی انٹرنیشنلز کی 116 اننگز میں 4145 رنز بنائے تھے جبکہ روہت شرما نے آج کیریئر کی 149 ویں اننگز میں 73 واں رن لے کر بابر اعظم کو پیچھے چھوڑا۔ ویرات کوہلی نے 115 اننگز میں 4103 رنز بناکر اس فہرست میں تیسرے، پال سٹرلنگ 144 اننگز میں 3601 رنز سکور کرکے چوتھے جب کہ مارٹن گپٹل 118 اننگز میں 3531 رنز بنا کر پانچویں نمبر پر ہیں۔